十月 17, 2011
日期：10月15日
路程：衛徑全段
長度: 78km
天氣：好好陽光,又曬焦了
Walkers: Andy, Bill, Clement, Christine, Hang, Homer, Jenny, Pak
Support teams:
(SP1) Joey, Vicky
(SP2) Angus, HonChung
(SP3) Beda, Jason
(SP4) Cherry, YuenMan Andrew
(SP5) Raymond
(SP6) Andy, Mike 布丁丁
(FP) Andy, HonChung, Harris, Jason
十萬二分感謝 Andy & Bill , 沿途一直 update 我地既時間&位置 : http://g.co/maps/tnm29
十月 14, 2011
日期：10月14日
明天就比賽了，今晚應該是早點睏的。不過，呢個多禮拜的天氣，令我不得不寫下Blog. 已經是十月，秋高氣爽的重陽節都過了，點解仲可以落成個禮拜雨，又有颱風黎緊???
不過，好彩的是，颱風被李氏力場彈走，今日(周五)仲出過太陽。但我估，仍係全程爛泥地，水氹等緊我地….
標.
十月 1, 2011
日期：10月1日 路程：衛徑 8 – 9 段 路線： 九龍坑山 -> 鶴藪水塘 -> 屏風山、黃嶺、犁壁山和八仙嶺 -> 大尾篤 長度: km 天氣：29度 (天陰有驟雨) Walkers: Andy, Bill, Clement, Hang, Jenny 高度圖: 不知不覺，到了最後一次既操練，總算見到有點成績。。。我地幾個終於都返晒黎喇 ！！ 大部份時間，我都係包尾，並唔係我行得慢，而係一班兄弟終於都正常番晒，回復番佢地正常 既體力同速度 ^_^ 今日天氣其實麻麻地，前幾日至打完風，雲未散地又未乾，仲要鬼咁大風又有驟雨。。。不過， 如果唔係咁，我地又點可以過完一個山又一個 今日冇咩大休，只係間中有個五分鐘既小break，同埋一個短短既15分鐘午餐時間 就係咁，大家唔覺攰又唔太餓，我地行呀行，竟然比上一次行e段快左成三個鐘。。。有點不可 思意呢 ^^" 期待兩星期後既比賽 ！ 78KM並不是一個短既距離。沒有毅行既周全準備，加上我地操練不足，到時有咩事發生實在難 以預測。。希望大家可以齊齊整整，一齊衝線啦 ～
十月 1, 2011
日期：9月17日
路程：衛徑 5 – 8 段
路線： 沙田坳 -> 大埔公路 -> 城門水塘 -> 元墩下 -> 九龍坑山 -> 鶴藪水塘
長度: 34.4km
Walkers: Bill, Clement, Hang, Jenny, Andy(坑山加入)
夜行
得四個人行, 都幾悶下. 一開始己經冇咩野傾, 好専心, 默默地行呀行.. 好快就行到大埔
公路, 城門水塘, 元墩下 ... 夜行既時間點都快少少 ~
其間都有一樣驚險野 : 又係望夫石附近, 我同亞恆行尾, 周圍黑麻麻, 寧靜中聽到一下
'跳樹'聲 ('_') 我地倆個好合拍, 即刻急步行近前面兩位隊友. 好叉驚呀 !!
仲有個手動電筒, 久唔久發出怪聲, 想嚇死人咩 !!!
係太和同 Andy 回合. 捱左一晚, 我地都食番少少野, refill 埋至起步
經過左一晚, 再上坑山, 別有一番滋味
我仍然留力, 慢慢上
亞恆依然輕鬆輕鬆, 慢慢上
另外倆位, 唔知幾時開始保留實力, 又唔知為咩, 好快就上到坑山頂... 有病 ^^"
Andy 呢, 好似未睏醒咁, 好慢咁上 ~
完左十多小時既夜行, 嘆番個早茶喇喂 o^_^o
十月 1, 2011
日期：9月3日 路程：衛徑 1 – 3 段 路線： 大潭水塘 -> 陽明山莊 -> 油塘 -> 井欄樹 長度: 21.3km 天氣： Walkers: Andy, Fai, Hang, Jenny, Michael, Pak, YuenMan, Bill (陽明山莊加入) 高度圖:
八月 29, 2011
日期：8月27日 路程：衛徑 8 – 10 段 路線： 太和 -> 九龍坑山 -> 鶴藪水塘 -> 屏風山、黃嶺、犁壁山和八仙嶺 -> 橫山腳村、橫七古道、上七木橋、下七木橋 -> 南涌 長度: 26km 天氣：34度 (酷熱天氣警告) Walkers: Bill, Clement, Fai, Hang, Jenny, Andy, YuenMan(鶴藪水塘加入) 高度圖:
己經陰天了好幾日，滿以為，終有一次陰天的操練，不用日曬，可惜….老又爺還是要我們多磨鍊一下，這個周六，又是陽光普照+酷熱警告……
八時許相約在太和大家樂食早餐，眼見輝輝遲遲未出現，我地就開始猜想，他是否遲大到又扮自己在Mac記食早餐，跟住捱餓行山的時候……這刻他就出現了。今天，他是主角，不是因為他生日，而是他在覆email 時，講錯野(又唔認….)，犯下兩大罪。於是成為了今天的主角:) 。另外，陳金今次有新裝備，3L水袋，因為他嫌用水樽太不方便了，不過，他除了入左水外，就冇再了解個水袋，於是起行前後，就花左少少時間(插喉，縛繩，打開吸管活塞….)
晴空之下，過左李老闆樓下，好快就到上山的路。今天的煙霞很重，遠望之下，都係灰曚曚的。可能是深圳大運會過了，工廠又趕工起來。而且，今日又冇乜風，所以在上九龍坑上的連綿石級時，地面所反射的熱氣，令我地好似被乾蒸般烤熟了。
行左一個小時多D，終於見到第一關的BOSS了，眼前就係這串石級，一直咁上，曬住咁上 440m…..
過左九龍坑山，就係林蔭路直落鶴藪水塘。大家都好興奮，因為YM的support 就在那裏 — 冰飲，另外，YM更為我地準備了冰鮮菠蘿，正呀~~~大家飲過，冰洗過後，尤如restarted。YM 今次中途加入，帶給我地大大的鼓勵，感謝萬分。
- 標.
八月 15, 2011
在準備下一次的操練，於是看了一看地圖，把資料寫下。寫到最後，發覺終點係冇標距柱的。而最後一枝，係W137。咦，78km / 0.5 ，應該係156喎….
於是四處search，都找不到官方答案。不過，似乎這個就最近似的了…
http://go2nature.net/forum/viewtopic.php?p=254933#254933
唔通，不是500m 一枝? 漁護署 web 係沒有提過衞奕信徑的 (–__–!!)
標 距 柱
-標
八月 14, 2011
日期：8月13日
路程：衛徑 5 – 7 段
路線： 沙田坳 -> 九龍水塘 -> 城門水塘 -> 元墩下 -> 太和
長度: 25km
天氣：33度
Walkers: Bill, Clement, Fai, Hang, Jenny, Pak,
Map: (Click to open)
高度圖:
今日的天氣，和上一次都係一樣..28-33′c, 和緩的南風。周初的大雨，來到今日就沒有了，藍天白雲…似乎天都要我地刻苦地操練一下。今天的路線，不算辛苦，上落不算太多，而且當空的地方不多，又不時夾着涼風，所以就算距離較長，有25km (標距柱47-97)，但都未至辛苦。行畢，各人都精精神神，只是太多的水泥車路，令腳掌非常攰。(Fai: Killed by 石屎路 today …. 腳板好似爛佐咁 … 要買番個鞋墊先 …)
早上在黃大仙中心麥記食過早餐，Clement 就被Burger King 吸引住，自己去左果度食。之後就分兩架Taxi上山了。我們都認為，無謂多操一段上斜路，由黃大仙上沙田坳。行到近消防局，打算截Taxi時，見到雙黃線旁的巴士站，有兩個警察(乘涼??)，令我地又要多行遠一段才截車，分了兩架，我/Hang/Clement 的，司機又聽錯了(沙田坳道的獅子亭)，以為我地去獅子山郊野公園….，幾經轉折，終於到了起點。
熱身拉筋後就出發了，(10:30 am)。Clement 快了不少時間係部電話上…終於都要換Sim card 先至work…
Set 唔到GPS 囉....
我地一路下，就已經思考著Plan B了….今天路徑較長，中間又冇補給點，水係相當重要的。似乎水袋漏水，會係個好原因:P …好快就轉到獅山後，成個沙田大圍睇晒，而且今日又好好天~~
沙田大圍及大帽山~
很快就行到引水道旁，仲見到望夫石。不過，我地亦開始進入了危險的區域…
望夫石
11:53am，Jenny 一聲驚叫後，就發現遠處有一隻馬騮了。係佢附近，有個人係度乘涼。我地一路行，不以為意，就算行到引水道旁，見到一群馬騮戲水，也沒發覺異樣……事情就係呢個時候發生。滿以為各不相欠，你玩你的，我們有我們趕路，怎知有一隻帶頭跟住我地，在我們身旁張牙舞爪(差點被佢爪到)，甚不友善。其他馬騮，雖沒有頭頭的猖狂，但也成群跟住，那時，我們才發覺，我們的行山杖還扣在背包上…..。狼狽地只可舞著一枝，不讓頭頭靠近。以這個保護證人組的狀態，我地行左近百米，直至過了一個餵馬騮的婦人，那群馬騮才沒跟上，我們終於安全。行山杖，應該在見到第一隻馬騮時就拎出來，這是教訓。另外，我地散發左驚怕的情緒，所以才被佢地”恰”…
終沒跟上了....
約12:30 pm，我們離開了馬騮Zone A，到了大埔公路。休息整頓一行，吃個西瓜就再出發，進入馬騮Zone B。九龍水塘/城門水塘一段，與麥徑甚為不同。麥徑多為車路，而衞徑就多為山路。起初還在投訴，明明上斜路，為何衞徑要在旁的山仔上上落落呢….直至去到城門水塘，都有4km。但行行下，發覺在樹蔭下上上落落，好過係馬路上暴曬。
去到城門水塘，約14:10pm，我們在樹蔭餐桌上休息食晏。而Clement 的Burger King 包，已經走晒樣了….。影過團體相，又再出發。去到上針山的路前，高興的和它說聲ByeBye，因為我地不用再上針草了~~呵呵。我地轉入水塘邊的泥路，尤如行麥徑第九段，急行悶過了3.5km。之後又好似上草山的山路般，再悶行3km，終到到了鉛礦坳，時為16:40pm。
休息了好一會，洗過臉，就向著最後的目的地–大埔出發。這是一段3km的落山路。另外，因為不想下次要行大埔(碗窰)到太和的3.5km路(下次要上九龍坑山及八仙嶺呢)，於是決定今次的終點為太和。18:00 ，到逹碗窰，從不顯眼的路口轉左，繼續最很一段。在剛入村，有隻狗向著我們跑出來，心想，馬騮過後，今次到狗？不過，佢好友善，兩次嗅我的手，以為有野食。有村民路過，叫佢”德”仔。牠同我地行左一段，就沒跟上了，住足目送我地。
德仔陪我地行左一段路~
最後呢段路，起初甚多雜草，差不多睇唔到路。到時仲要係凌晨，都唔知點算了。不過，都只係一少段，就駁上車路，於是大家吹吹水，好快就到太和了(19:00)。我地於是到了太和體育館梳洗，到”鄉土風情”叫餸食飯(上菜超快呢…)。
今日，咁就行左近30km 了，下次就係辛苦的九龍坑山…….
七月 27, 2011
日期：7月23日
路程：衛徑 3 – 4 段
路線：油塘 -> 井欄樹 -> 沙田坳
長度: 13km
天氣：33度(大暑+酷熱天氣警告)
Walkers: Andy, Bill, Christine, Clement, Fai, Hang, Jenny, Pak, YuenMan
高度圖:
儘管明知這將是一個超熱的一天，一幫瘋狂的人還是繼續選擇行山。我們在上午10點在油塘集合，並在大快活食早餐。食過豐富的早餐後，已經是上午11點。因此，我們終於下決心開始今天的挑戰 – 冒著烈日和超過攝氏33度的溫度挑戰衛徑三、四段。不要驚訝是誰還未開步便先說“Plan B”！
剛出了商場和街頭，汗水便開始落滴出來。
大約上午11時二十分，我們開始步行上將軍澳墳場的路。步行約5分鐘到涼亭裡，我們做一些伸展和準備，訓練才真正開始。
第一段路是相當容易。但朋友們請記住 – 樓梯前修理的道路 – 沒有必要上去！
由於是近中午時間，所以很熱，我們不得不多次停下來休息。那天的天空是多麼的美麗，藍到幾乎是完全無雲。我們大多數人至少背着1.5L 液體在我們的背包，我們只好不停地喝，以防止脫水。我們當中幾個人不得不用傘擋住了烈日！
過了墳場後，我們開始攀登今天的第一坐山 – 五桂山。這山雖然不高，但是在這樣的高溫天氣下，大滴的汗水不斷從下巴和來身體自四面八方滴下！
(我今晚寫到這裡… other please continue…) YuenMan
七月 27, 2011
日期：7月9日
路程：衛徑 1 – 2 段
路線：大潭水塘 -> 陽明山莊 -> 鰂魚涌
長度: 16km
天氣：32度(酷熱天氣警告)
Walkers: Andy, Bill, Fai, Jenny
高度圖：
由零開始 , 萬二分辛苦 …
第一次練習 , 只得四人 . 太少了罷 !
首一小時 , 全圍繞大潭水塘在走 , 輕輕鬆鬆地郊遊 , 看古蹟 , 拍拍照 , 還有那些沒完沒了的低能笑話 =.=
雖然這水塘路只有一星難度 , 短短的一個鐘 , 已使我有點兒氣喘 ( … 這就是沒有練跑的代價 !! )
迎面遇上的途人全也是滿臉通紅 , 汗流浹背 … 總算 , 還有人與我們同樣無聊 , 在酷熱天氣警告下行山 ~
在淺水灣坳小休片刻 , 便向紫羅蘭山進發 . 沿石屎樓級上 , 一級又一級 , 辛苦死人 . 首次嘗試右手拎行山杖 , 左手拎傘 .. 感覺怪怪的 , 難以適應 , 更拖慢了步伐 >.< 這段路 , 行行停停不知多少次 , 又熱 , 又辛苦 … 次次都係烈日下行山 , 都唔知為咩 !!? 回望孖崗山 , 萬分慶幸沒有將它列入操練項目內 . 若不 , 我們早已在淺水灣坳撤退 , 直達淺水灣 high-tea 了 ~
兜了個大圈 , 回到陽明山莊大休,午餐兼補給 (藉口多多既隊友 , 絞盡腦汁地計劃什麼 plan b , 什麼牛肉燒賣 … 討厭呀 !!)
回魂過後 , 1355 繼續面對挑戰 .. 輕輕鬆鬆征服了渣甸山 , 之後是畢拿山加石礦場 . 這段路 , 再次暴曬 , 繼續被乾煎 … 總算之前 warm-up 過 , 一步步慢慢上 , 已經不太辛苦了 ~ 1527 開始落山 , 終於唔駛再向上喇 !! 大家亦共識了 , 今日操練到此為止 , 沒有任何動力或意志力 , 令自己多撐下去 .
穿插於車水馬龍 , 走進太古地鐵站 , 再過海 .. 很難想中 , 我們仍走在衛徑上 ~
~ Jen ~
